Shillong, Naitung 09: Ka seng FKJGP Garo Hills zone ka pynrem jur ia ka jingkren jong ka All Assam Minority Students’ Union (AAMSU) ban byrngem ban khang ia ki kali kit jingkit ban leit sha Garo Hills lada ka sorkar kam siew T. 10 lak kum ka bai lutksan ia kiba iap ha Tura.
Ha kajingpynlait khubor jong u president ka FKJGP Garo Hills Zone u Pritam R Marak u la ong ba ka jingkren jong ka AAMSU kum ha kane ka por ka long ba kim pat long kiba la rangbah. Katei kaseng ka dei ban shim ia ki jingiakren bad ki bor ba dei peit yn pyrshah ia ki Garo.
Naka liang jong u Marak u la ong ba lada ka AAMSU ka nud ban leh shisha kam mud ba ki paidbah Garo ki don tang katei ka lynti hynrei ki don ruh kiwei ki lynti bad ki dei ban kynmaw ba bun bah ki nongkhaii na Assam ruh ki im tang na Garo Hills.
Ha ka por u president jong ka FKJGP u la pynrem jur ia ka sorkar ba kam lah ban leh ei ei ban khanglad ia ka AAMSU ban pakhang lynti ia ki kaliban kit ban bah sha Garo Hills.
Na ka liang jong ka FKJGP ka dawa na ka sorkar ba ka dei ban siew T.5 lak ia kiba iap ha ka shong Boldamgre kaba hap hapoh ka Salsella kiba dei ka nonghikai bad kaba ha iing kaba la shah pyniap ha ki riew sniew. (SP News)
