Shillong Kyllalyngkot 06: U President ka Khasi Student’s Union(KSU) North Khasi Hills District u samla F Kharkamni ula pynpaw ba ka seng ka pynrem jur ia ka jing iai bteng jong ki pulit ban kem ia ki dkhot jong ka seng bad ban pharep jubor kaba bym shongnia eiei ruh em.
Ngi sngew lyngngoh ia kane ka rukom leh wat haba ki sengbhalang kim buh satia ia ki jingiakhih da kaba burom ia ka sur jong u Chief Minister ne Myntri Rangbah ka jylla, hynrei kaei kaba jia ha ka miet sngi saitjain, ki pulit ka Ri Bhoi ki leit ban khynra ia ki iing jong ki nongialam hapoh ka Ri Bhoi Districtbad kem ruh ia u samla H Wahlang na iingsah jong u kaba don ha Killing bad kane ka pynlyngngoh jur bad ka pynartatien ia kaei kaba ka sorkar ka kren.
Lada kane ka rukom ka iai bteng ka pynpaw ia ka jingling arsap jong ka sorkar bad ki bor jong ka ain ban shu kem bad pharep ia ki dkhot jong ka seng bad na ka liang ka seng ngim ym lah satia ban pdiang ia kum kane ka jingleh arsap bad ka pynbitar arshah.
Wat pynlong langknia jubor ia ki dkhot jong ka seng bad wat tei pop khlem nongrim namar ngim lah satia ban pdiang ia kum kine ki jingle ban shun ion bad thombor na rieh bad khyrwait nadien ne ban shu shim kabu ia ki dkhot jong ka seng. (SP News)
