Shillong, Jylliew 18: U James K Sangma MLA SpokespersonNational People’s Party (NPP) mynta ka sngi u la pynrem jur ia kane ka sorkar MUA ia ka jingleh ar sap jong kane ka sorkar MUA ha kaba ia dei bad ka jingbym lap jong ka sorkar ia u Nurul Islam u pulit u ba la shah kynnoh ba u la bat bor ia ki ar ngut shipara ha Amapti Police Station.
Kane ka long ka jinglehrain ia ka jylla bad ia ka sorkar baroh kawei ha kaba ia u nongleh kam sniew hapoh ka constituency jong u chief minister ym shym la lah ban kem. U tei u nongialam jong ka NPP u ka kynnoh ba ka daw ka long ba u myntri rangbah u lap miet tang ha Delhi ym lah shuh ban peit ia ka kam.
Kane ka jingbym lah ban kem ia u tei u pulit ba la leh ia ka kam poh jaid ka wanrah ia ka jingsuba jur ba ka jingtohkit kaba tang dep pyrshah ia u pulit Nurul Islam ka buh ia ka jingpynpyrkhat ba lehse une u pulit u lah ban don ka jingiadei kum kiba ha iing ha sem bad ka kmie jong u myntri rangbah kajylla ka
Roshanara Begum’s la kynnoh u James K Sangma MLA u ba dei ruh Spokesperson jong ka National People’s Party (NPP).
Ka NPP ka ong ba ka jingkam jong ka sorkar ba kan ia leh ban the la kam ia ki kam batbor ha ka jylla ka dei tang ka jingkren pynlait jynhaw la ban biang u tei u nongialam ka NPP bad la ong ba kane baroh ka dei ka jingkren arsap namar ki kam batbor ha ka jylla ka la nangkiew.
U nongialam jong ka NPP u la ong ba hato ka sorkar ka la hun tang ban ai jingiarap T.50000/- tyngka ia kiba ngat ha katei ka lanot. Ka seng NPP ka iohi ba kane ka jingkiew ha ki kam batbor ka dei na ka daw ba ia ki nongleh kam sniew ym lah ban kem lane ban pynshitom ia ki katkum ka ain. Ka sorkar ka dei ban shim khia bad pynshitom ia u Nurul Islam.(SP News)
