Shillong, August 23: Ka Shillong Press Club ka la pynpaw ia ka jingpynrem jur halor ka jingshah leh beijot jong ka nongthoh khubor ha Mumbai bad ia ka jingshoh jingdat ka jong ki ia ki paralok jong ka.
Kane ka jingktah kti ia ka nongthoh khubor ka dei ka kam khawput bad kumba ka long mynta wat ki nongthoh khubor ruh kim shngian shuh ban pyndep ia ka kam jong ki kaba ki dei ban trei.
Ha kaba pynrem ia kane ka jingjia na ka liang jong ki nongthoh khubor na kane ka jylla Meghalaya ki dawa na ka sorkar Maharashtra ba dei ban pynshitom ia kiba don kti ha kane ka kam. Ha ka juh ka por ka SPC ka phah ruh ia ka jingsngewlem sha kiba ha iing ha sem jong katei ka nongthoh khubor ha kaba ia dei bad kane ka jingjia ba sngewsih.(SP News)
