Shillong, Jylliew 28: Ka kynhun ki seng bhlang kiba kynthup ia ka TUR, CSWO, KSU, FKJGP, KWADA, ki la pynrem jur ia u Deputy Commissioner jong ka East KhasiHills da kaba kynnoh ia u ba u la khien dewthala ia ki bor shnong ha kaba ia dei bad u lyngdoh ka Riad Nongkrem.
Ka hukum kaba la pynlait da u DC ha ka 28th Lber 2013 bad kaba la pyntip sha u tang ha duh ka 20 tarik mynta u bnai, la ong ba u nonujor u ba dei naka Hima khyrim syiemship, ka don ka jingkylli namar ba kam don ka shithi ba la aibor ki kot ki sla kiba la ai ka long kum u riew shimet kumta ym lah ban pdiang.
Naka liang jong ki seng bhalang ki kynnoh ba kane ka dei tang ka jingbym tip bad ka jingsngemeng, kumno ym tip ia ki ain kiba la but ha kane ka jylla naduh kip or hyndai ha kane ka jaidbynriew khasi. U la dei ban pyndon kam ia ka jabieng jong la kynnoh ki seng bhalang.
Na ka liang jong u bakhraw ula pyni iaki kot ki sla kiba dei naduh ki snem 1839, 1988 bad 1990, kiba kren shai kdar ba ia ki ri raid yn nym lah ban die da lei lei ruh em. Kane ka jingai ia kane ka jingtip ha dien saw bnai ba la pynmih ia katei ka hukum ruh ka buh ia ka jingkylli bal eh se ka don kaei kaei kaba sha lyntdet.
Ia kine ki kot ki sla ruh la ai ha dien ba la pan da ka RTI, ki seng bhalang ki don ka jingartatien ba ka don kaei kaei sha lyntdet jong kane ka jingthmu ban shim jaka na ka bynta ka New Shillong Township. (SP News)
