Tura Sept 11: U Deputy Commissioner jong ka West Garo Hills u Parvin Bakshi u la pynrem jur ia kito kiba ktah kti ia ki nongtrei jong ka District Rural Development Agency (DRDA) ha ka 10 tarik mynta u bnai da ki briew kiba ia khih ban ioh ia ka jylla Garo.
Na ka liang jong u DC u la ong ba ka ain kan sa leh ia kaba don kam, kane ka jingktah kti ia ki nongtrei ka DRDA bad ia ki nongtrei ha DC ophis ka dei ka kam khawpud la ong u DC ka Tura.
Ha ba ia dei bad ka jingyur jong ki briew sha DC ophis ka don ka jingmud ba sinew bad kiba bun ki dei ki khynnah skul. Kane ka jingleh ka long ban pynjynjar ia ki paidbah bad ia ki nongtrei sorkar kiba trei la ka kam.
U Deputy Commissioner u la ong ba ha ki por ki ban sa wan yn nym ai jingbit shuh ban pynlong ia ki jingialang ne ki jingshong kyllain mungor da kino kino ki kynhun.(SP News)
