Dispur, Jymmang 27: U myntri rangbah ka jylla Assam ha ba kren ha ki nongthoh khubor mynta ka sngi ha Rajiv Bhavan ha Dispur u la ong ba u pynrem jur ia ki lehnoh maoist kiba la shim ia ka jingim jong ki 27 ngut ki nongtrei jong ka seng Congress ha Chhattisgarh.
Haba pahi pat sha ka jylla Assam u ong ba bun ki nongialam jong ka seng Congress ki la shah pyniap ha ki lehnoh kum ha Karbi Anglong bad North Catcher Hills District. Hynrei da ka jingtrei shitom jong ka sorkar ki kam lehnoh ha ka jylla ki la duna la kam u TarunGogoi.
Haba phai sha ka election Rajya Sabha kaban long ha ka 30 tarik mynta u bnai ha Assam, u Gogoi u la ong ba u myntri rangbah duh jong ka Ri U Dr Manmohan Sing un jop khlem da don ba ia leh pyrshah ba kane kan long ka sin kaba lai na ka jylla Assam.
Haba phai pat sha uwei u kyrtong u Huj Kujjur u ba la pynieng da ka seng Congres u la ong ba ka Congress kan jop suk wat la ka seng AIUDF ka la pynieng kyrtong na ka bynta kane ka shuki MP Raja Sabha , u la ong ba ka don ka jingbym ia hun hynrei kin jop da kaba suk.(SP News)
