Shillong, Jylliew 02: Ka kynhun shipai 58-Gorkha ka la pynlong ia ka jingjied ba kyrpang ban pynrung ia ki samla kane ka North East haki kam ialehkai ban hikai kyrpang iaki, kum ha ka Siat khnam, Ia kura bad ia lehkai kynjat ball.
Baroh ki samla kiba la poi sha kane ka jingiakhun ban shah jied ha kitei ki kam ia lehkai na kane ka thain sha katei lam mih ngi jong ka Ri India ki la poihaduh 279 ngut ki samla shynrang na kine ki jylla,Assam, Manipur, Meghalaya, Sikkim, Arunachal Pradesh, Mizoram, Nagaland bad Tripura kila don kiba wan na West Bengal bad Uttrakhand.
U Brigadier VC Sarmah, Sena Medal, Military Training Directorate (BSCC) u ba la paw bha ha ki kam ialehkai u la wan hi da lade ban pynlong ia ka jingjied ia ki samla ban pynrung ha katei ka jaka ai jinghikai na ka bynra ki kam ia lehkai la synrang ia u da Doctor Lieutenant Colonel V Upadhaya, u ba dei u doctor ba la buh kyrpang ban peit ia ki samla kiba don ha ki jaka hikai ia lehkai.
Kane ka 58 Gorkha Training Centre ka don ha Happy Valley, Shillong ka long ka jaka kaba la buh kyrpang ban hikai iaki samla kane ka thian ha ki kam ia lehkai khnang ba kin lah ban ia shimbynta ha ki jingialehkai la ka long ha ka National ne International .(SP News)
