Jowai, Naitung 30: Ka seng samla pule ka Jaintia Student Union (JSU) mynta ka sngi kala shim ia ka rai ban pynsangeh shuwa shipor ia ka jingkhot pakhang shnong kaba 22 kynta haduh ka 15 tarik jong u Nailar namar ka sorkar ka la thung ia u Dr Nongbri ban peit ia ka Blood Bank ha Jowai Civil Hsopital.
U President jong ka seng u la iathuh ha u SP News Agency ba ki la shim ia kane ka rai namar ka sorkar jylla ka la thung ia u Dr Nongbri ba un peit ia kane ka Blood Bank ha Civil Hospital Jowai.
Haka juh ka por na ka liang jong ka sorkar ka la de pong ba kin sa phah ruh ia ka jingthoh sha ka seng ia kaei kaba u myntri rangbah ka jylla u Dr Mukul Sangma. Na ka liang jong ka JSU ka iohi ba ka sorkar ka la pdiang ia kaei kaba ka seng ka la dawa.
Wat la kata na ka liang jong ka seng kan nym hun tang ia kaei kaba ka sorkar ka la leh ka kwah ban da iohi ba ia katei ka Blood Bank kaba don ha Jowai Civil Hsopital ka dei ban trei kam noh bad kan iai ap haduh ka 15 tarik jong u Nailar u ban wan. Lada ka sorkar kam leh ei ei ha pdeng jong kine ki ar taiew ka seng kan khot ia ka jingiakhih.(SP News)
