Pynshoh biej ka Shillong Chamber Choir ha Rashtrapati Bhavan da ki jingrwai Chirstmas

Shillong, Nohprah 15: Ka kynhun nongrwai na kane ka nongbah Shillong ka Shillong Chamber Choir kaba la shah khot sngewbha ha Rashtrapati Bhavan, New Delhi ban rwai ha ka jingleh kmen Christmas ka la pynsoh biej ia baroh kiba la shah khot sngew bha ha u president jong ka Ri India.

Ha kane ka sngi ka kynhun nongrwai SCC ka la rai ai ki jingrwai Christmas bad kala air uh ha u president jong ka Ri India ia ka CD jingrwai Christmas kaba la rwai da katei ka kynhun. Ka jingum ryndang ka jong ki ka la pynlyngoh ia ki ba la shah khot sngew ha kane ka sngi.

Kaba la pynshoh biej ia baroh ka long ba kane ka kynhun nongrwai kaba na Shillong, ym tang ba ki rwai ia ki jingrwai phareng hynrei ki la rwai ruh ia ki jingrwai Hindi bad khasi, ha kane ka sngi kila rwai kyrpang ruh ia ka jingrwai Bengoli ‘Bashi- Ekla Cholo Re’.

Ia kane ka jingrwai la rwai kyrpangkum ka jingburom ia u president jong ka Ri India. Kiba paw kiba la don ha kane ka sngi ki long u nongkit ktien ka Ri Denmark sha India, u Raja Karan Singh, u Sir Mark Tully lem bad kiwei kiwei.

Na ka liang jong u president jong ka Ri India u la ai khublei kyrpang ia kane ka kynhun bad u la ai kajingiaroh ia ka jingleh ka jong ki ban rwai ha ki ktien bapher bapher.(SP News)