Shillong, Jymmang 16:Ka Confederation of Ri Bhoi People (CORP) ka la pynthymmai ia ki nongkitkam ka Northern Zone kaba hap hapoh ka Mawhati Constituency ha ka jingialang kaba la long dang shen ha shnong Sonidan.
Ha katei ka jingialang shwa ban jied ia ki nongkitkam la ioh ka jingkren da u Bah Bandary Ryntathiang Working President sengkmie uba la pynshai ia ki mat treikam ka seng bad halor ka jingeh ba ki paidbah ka thain ki ia kynduh na ka por sha ka por, kum ka umbam umdih, surok bad khamtam ka rukom pyntrei ia ki shkim MGNREGS.
Ki nongkitkam thymmai kiba la jied bad pynshkem ha katei sngi ki kynthup ia u President Bah Banishai Shadap, Vice President Evenson Khymdeit, Secretary Bitorin Shadap, Finance Secy Albin Shadap lem bad 20 ngut ki dkhot ka executive committee. Ia kitei ki nongkitkam la pynsmai da u Bah Bandary Ryntathiang.(SP News)
