Shillong, Naiwieng 10: ka jingbuh sngi jong ka Commission ban shong bishar mynta ka sngi ka long ban tohkit ia u Sub-Inspector RA Sangma. Kaba pynlyngoh ka long ba na ka liang jong ka sorkar ka la pyntip ba haduh mynta ka sorkar kam shym la lap ia u tei u SI.
Haka shithi ba la phah da ka Jowai Police sha ka commission katkum ka shithi number No.CRM/IV-19/26-09/2977 dated Jowai 7th November 2012 ka la pyntip ba kam shym la lap dien ia u tei u pulit u ba ka commission ka kwah ban tohkit kumu wei na ki nongsakhi ha katei ka jingjia.
Na ka liang jong ki pulit ki la pyntip ia kane sha ki pulit jong ka Tura bad na ka liang jong ki pulit ka Tura ki la pyntip ia kane ka jingphah khubor ka WT Message sha ka lok jong u ha Upper Wadanang ha Tura hynrei haduh mynta la palat shi snem kim shym la lap ia u SI Sangma.
Na ka liang jong ka nongiasaid jong ka SCAMOD ka Poonam Yadav ka la ong ha khmat jong ka Commission ba ki kloi ban wad ia u hynrei na ka liang jong u Jusitce (retired) SP Rajkhowa u ba khlieh ia ka commission u la ong ba namar ka la sorkar ka la buh ia ka 7 tarik jong u Nohprah 2012 ban ai ia ka jubab sha ka sorkar yn nym lah ban leh kumta.
Ha kane ka jingshong bishar ka commission mynta ka sngi la ia mynjur lang ba lada lap ia u SI RA Sangma dei ban wanrah ha khmat ka Commision hapoh ka ro tarik jong mynta u bnai ban tohkit. Ka daw ka long ba ka sorkar ka la buh ba kane ka Commission kan kut ha ka 11 tarik kyllalyngkot 2013.(SP News)
