Shillong, Naitung 12: Da kaba buh ia ka jingmud kaba ha khmat ba ka elections ha ki lai tylli ki District Council ha kane ka jylla Meghalayan kan sa long ha u snem ban ryngkat ryngkat bad ka election MP sha ka Lok Sabha na ka liang jong ka seng NPP ka la pynkhlian ia ki nongkit kam jong ka seng mynta ka sngi.
U nongialam jong ka NPP u Jamnes K Sangma haba kren ha ki nongthoh khubor ha dien ba la wai ka jingialang u la ong ba ha kane ka jingialang na ka liang jong ka NPP ka la ia kren bun bah ki mat kiba la ktah ia ka jylla bad kaba ha khmat eh na ka liang jong ka NPP ka dawa na ka sorkar ba ka dei ban pyntrei kam noh ia ka ILP katba ym pat pyntrei kam ia ka ID Cards System ha kane ka jylla.
Haba ia dei bad ka jinglong jongman jong ka shong suk shongsain ha Garo Hills na ka liang jong ka NPP kala kynthoh pyrshah ia kane ka sorkar ba kam shym la lah ban wanrah ia ka jingshong suk ym tang ha Garo Hills hynrei ha ka jylla baroh kawei.
Na liang jong ka NPP ka la ia kren ruh ha kaba ia dei bad ka jingwan tuid jong ki bar jylla sha kane ka jylla Meghalaya. Ka sorkar ka dei ban shim khai ia kane ka kam bad ka dei ban leh ei ei noh mar dor.
Haba ia dei bad ka jingbum lah jong ka sorkar ban kem ia u Nirul Islam u ba la shah kynnoh ba u la leh beijot ia ki ar ngut shipara ka seng ka dawa ba ka sorkar ka dei ban wat ki lad ki lynti baroh ban kem ia u.
Haba phai sha ka election na ka liang jong ka seng ka kyntu ia ka sorkar ba ka dei ban pyndo kam ia ki kot ha ka por thep vote ym pyndon kam da ki kor EVM. Na ka liang jong ka seng ka ong ba ka jinglong kane ka sorkar mynta km shym la lah ban the la kam ia ki kam bamsapha kane ka jylla.(SP News)
