Jowai, Rymphang 07: Ka Jaintia Youth Federation East Jaintia Hills lyngba ka khyrwoh ba la phah da u samla Beker Chyrmang organizing secretary ka seng, ki ai ka jngiaroh ia u DC ka East Jaintia Hills ba ula shim khia ban pyntreikam noh ia ka jingdawa ka seng na ka bynta ban pyntrei kam noh ia ki Local Taxi, Khliehriat Region hapoh East Jaintia Hills ka long ka District thymmai ha Ri lum jaintia,
Te kumba la paw ha ki kot khubor ba u DC ka East Jaintia Hills u la ai por ia ki kali kamai beain tang haduh shi bnai na ka bynta ban pynkylla Local Taxi ne ban apply da ka permit. Lym kumta na ka liang ki bor ba dei peit ia ka ain kin sa leh ia kaba donkam pyrshah ia kiba pynkhein ain. Te ka seng kala ai jingiaroh shikatdei eh ia u DC ka East Jaintia Hills namar ba u shimkhia ia ka mat dawa jong ka JYF-EJH kaba la pynbor shi pynbor ia ka sorkar ban ai noh ia ka bhah Local Taxi ha Khliehriat Region ong u Samla Beker Chyrmang organizing secretary ka JYF-EJH.
Te na ka liang u samla N. rymbai president ka seng ula kyntu ia ki paidbah kane ka thian ba kin iatrei lang bad u DC khnang ba un lah ban leh ia ki kam ba bha bad ban trei hok na ka bynta kane ka district ba thymmai jong ngi.
Kumjuh ruh ka seng kala maham ruh ia ki briew kiba ialeh pyrshah ia kane ka kam ba bha ba la leh da u DC East Jaintia, da ka kyntu ruh ia u DTO ka East Jaintia Hills ba un tehlakam ia ki briew kiba ialeh pyrshah katkum ka ain.shuh shuh ka seng ka ong ba ka jingia trei lang jong phi ki trai kali ba kamai ki ia rap ia ka seng na ka bynta ban pynduh ia ka pyndam ia ki briew ba na bar (mynder ri ne bar ri) ki ba wan knieh ia ka hok jong ngi ki briew ka Ri lum Jaintia pynkut u kyrwoh na ka JYF-EJH.(SP News)
