Shillong, Jymmang 14: Ka Seng HNYF Western Region ka pyrshah jur ia ka
jingthmu ka sorkar ban buh ktem ia ki lehnoh ANVC-B hapoh ka West Khasi Hills. U bah KS Rani President ka HNYF-Western Region u la ong ba ka West Khasi kam dei ka jaka leh donbor man la ka por jong ka sorkar .
Ka sorkar ka la thmu ban wanrah sa ki lehnoh ANVC-B hapoh West Khasi Hills, ha kaba mynta ka la don jingthmu pat ban pynkynriah ia kane ka jaka buh sha Aragonga, kumba la mih ha kikot khubor ba la ai hukum da u Chief Secretary ka sorkar jylla kaba
katkum ka shithi No. NDC/6/2006/201 Dated 13-05-2014, ban buh ia ka jaka sah (designated camp) ha Aradonga Community Hall ba pynlong jaka
sah ia ki kaban long ka jingma ia ka West Khasi Hills ha kaba ki lehnoh na Garo Hills kin wan ban leh ki kam beain ba har rukom ha kane ka ri Khasi Hills.
U la kyntu ia ki sengbhalang bad ki paidbah bad ki nongialam na West Khasi Hills baroh ba kin ieng pyrshah ia kane ka jingthmu ka sorkar ban shna ktem ia ki lehnoh ANVC-B, u la bynrap.
Ka HNYF ka pynrem jur bad kwah ba ka sorkar ka dei ban pynkynriah ia kane ka jaka sah kitei ki lehnoh Garo sha Rilum jong ki, ym ba kin wan ban ia kyrsum ktieh lang bad ki briew jong kane ka thaiñ khamtam ha Khasi Hills.
Pyrshah ia ka jingweng ia ka Out Post ha Kyrshai kaba hap ha Rambrai Cont. Hima Rambrai, border area, ha ka jingshisha ka la dei ban thung ia ki ktem pulit pynban ka weng ia ki bad ka thmu ban wanrah da ki lehnoh.(SP News)
