Shillong, Nailar 12: Ka dorbar Shnong Mawpat mynta ka sngi ka leit ban khang syndon i
a ka jingtrei na ka bynta ban buh ia ka TB Hospital ha katei ka jaka, na ka liang jong ka shnong ka la shim ia ka rai ba kin nym shah da lei lei ba kan don ha kane ka Hospital ha Umsawli.
U Bah Khrawbuit Ryntathiang u ba dei u rangbah shnong haba kren ha ki nongthoh khubor ha kane ka por ba u leit ban pynsangeh ia katei ka jingtrei ka long ba ka sorkar kam shym la kynjoh ktien ia ki bor shnong lane pan ia ka NOC, lada ka sorkar ka wanrah ia ka Medical college kin pdiang ia ka TB Hospital kin pyrshah.
Na ka liang jong ka sorkar ka la pan ia ka NOC ha ka 19.12.2012 ban shna ia katei ka Hospital, hynrei ka shnong kam shym la ai jingbit bad na ka liang jong ka executive committee jong ka dorbar shnong ruh ka la shong bun sien ban ia kren ia kane ka kam. Hynrei kaba pynlyngoh ka long ba ka sorkar ka la wan shna khlem ka jingbit, la ong u rangbah shnong.
Na ka liang jong ka dorbar shnong ka la ia kren bad ki bor sorkar bad ka kyntu ba dei ban buh ia ka TB Hospital ha Mawprem na ka bynta ka jingbit jingbiang jong ki paidbah hynrei ia la Medical college lada ki buh ha katei ka jaka ruh ka biang. Na ka liang jong ka shnong kan sa leit ban ia kynduh ia u myntri ka koit ka khiah u Bah AL hek.(SP News)
