Shillong, Nailar 12: Ka kynhun Meghalaya Right to Information Movement (MIRM) kaba kynthup ia u Bah, M N Syiem, Angela Rangad, Sadon Blah ,Jo Marwein, Agnes Kharshiing, kiba dei ki nongialam jong ki seng bhalang bapher bapher ka jylla Meghalaya ki la pynpaw ia ka jingsngew pyrshah ka jong ki ia ka jingthmu jong ka sorkar pdeng ban pynkylla noh ia ka RTI Act 2005.
Ha ka jingpynlait khubor jong kitei ki nongialam mynta ka sngi ki la dawa na ka sorkar pdeng ba dei ban pynneh ia kane ka ain kumba ka long mynta namar kane ka long ka bor jong ki paidbah. Na ka liang jong ki tei ki nongialam ki kyrpad ia ki paidbah ba kin ai ka jingkyrshan ia ki.
Ka jylla Meghalaya bad kiwei ki bynta jong ka ka Ri India ka don ha ka jingeh mynta bad ka jingbymshaniah ia ki seng sain pyrthei kane ka jingpyrshang ban nym pynhap ia ki seng sain pyrthei hapoh kane ka ain kan sa pynduh ia ka jinglong ki seng sain pyrthei ha ka Ri.
Kum ki nongshong shnong jong ka Ri India kiba la ioh ia ka bor lyngba kane ka ain wad jingtip ka la iarap shisha ban wad jingtip ha kaba ia dei ba dki kam jong ka sorkar. Lada pynkylla noh ia kane ka ain kan pyntlot noh ia ka riti synsahr jong ka Ri India.
Shuwa ban leh ia kane ka la dei ban pynlong ia ki jingiasyllok bad ki paidbah kane ka ri shuwa ban pynkylla ia kane ka ain. Lyngba kane ka ain ki paidbah kin ioh ban peit ia ka jingtrei kam jong ka sorkar.(SP News)
