Shillong, Rymphang 26: Ia phainal jong ka jingiakop shad ia kaba la ai kyrteng “ Meghalaya Dancing Star” la pynlong ha ka 25 tarik mynta u bnai ha Jaiaw Shyiap, ha kane ka jingiakop baroh kiba la poi sha ka phainal ki long hynriew ngut.
Kine ki hynriew ngut ki long ka Annie Kharbani na Mawlai, Mawiong Rim, Freddy L. Sun na Nongrah, Micky Paul Lyngdoh na Mairang, Priyanka Nongkhlaw Mawshbuit, Happy Valley, Sariti Nongsiej Mawkyrwat bad ka Ester Mary Lyngdoh Mawprem.
Ha kane ka jingiakop shad ka samla Ester Mary Lyngdoh na Mawprem ka la ioh ban rah ia ka nam lah duh bad u Freddy L Sun u la wan ba ar bad kiwei ki la ioh ia ka khunsam ba la ai burom kyrpang ia ki ba ki la poi sha ka bynta kaba kut jong ka jingiakop.
Ka nongjop ka la ioh ban rah ia khusnam kaba lai lak tyngka bad u ba wan baa r u la ioh sanphew hajar tyngka. Ia kane ka jingiakop shad la pynlong da ka jingthmu ban rah ia ki samla kane ka jylla ha ka liang ka shad ka kmen.(SP News)
