Shillong, Rymphang, 16: Ka samla Kynsaibha Gympad bad u samla Phrangki Lamare ki la iohrah ei ia ka nam lahduh ha ka jingiakop “3rd Miss & Mr Sonapyrdi 2014” ba la pynlong da ka ‘Music & Singing Club Sonapyrdi’ (MSCS) ha Community Hall Sonapyrdi.
Ha kane ka jingiakop la wan ban iashim bynta da shibun ki samla kynthei bad shynrang jong ka shnong Sonapyrdi, hynrei ki nongjop ki la don tang hynriew ngut, kata lai na ki shynrang bad lai na ki kynthei.
Ia ka kyrdan 1st Runner up na ka liang ki kynthei la ioh rah da ka samla Tympang Rymbai bad ia ka 1st Runner up na ka liang ki shynrang la ioh rah da u samla Lionel Lamare. Ia ka kyrdan 2nd Runner na ka liang ki kynthei la ioh rah da ka samla Meralin Dong bad ia ka 2nd Runner up na ka liang ki shynrang la ioh rah da u samla Bah-o-hi-wot Syih
Ka samla Kynsaibha Gympad ka dei ka samla kaba dang pule Class X ha Jingshai Mihngi Adventist Secondary School Jowai, katba u samla Phrangki Lamare u la pyndep ia ka Degree
Ka jingthmu jong ka seng haba pynlong ia kane ka jingiakop ka long kum shibynta ban pynmih pisa ia ka Club bad ban pynshlur ia ki samla jong ka shnong ban kiew rynsan bad ban sei ia ka sap ka phong kaba ki don.
Ia kane kane ka jingiakop la pyniaid das u Bah Goldenstar Suchiang uba long ruh u Actor Pnar bad ki Nongbishar ki kynthup ia u Bah Rimi Shylla (Actor) bad arngut ki Miss Jowai. Kane ka long katkum u kyrwoh ba la phah da u Bah Tackmon.L. Gympad, Chairman MSCS.(SP News)
