Shillong, Nailur 29: U Samla Pynshngain Langpen mynta ka sngi u la
long u nongjop ha ka jingiakop pyni doh ksah kaba la pynlong da ka the Meghalaya Body Building Association (MBBA) ha Asom Kristi Kendraha kane ka nongbah Shillong.
Ki nongiashim bynta ha kane ka jingiakop ki don baroh 40 ngut ha la ki jong ki jong ki kyrdan, ha kane ka jingiakop u samla Langpen u la jop ha kane ka jingiakop ia ka ‘Mr. Meghalaya 2013’ ka jingiakhun ka long kaba jwat.
Ha kane ka jingiakhun baroh ki don phra bynta kane ka shong ha ka jingkhia ka jong ki.Kine ki kyrdan ki long kiba 55 kilo,kiba 60 kilo,kiba 65 kilo,kiba 70 kilo,kiba 75 kilo, kiba 80 kilo bad kiba 85 kilo. Ha kane ka jingiakop baroh ki nongiashim bynta ki la pynpaw ia la ki jong ki sap ki phong ban long ki nongjop ha ka jingiakop.
Ha kane ka jingiakop u Rajiv Dutta u la jop ha ka jingiakhun hapdeng kiba 55 kilo, u Maradona Rabon u la jop ha ka jingiakhun kaba 60 kilo, u Titan Paul u la jop ia ka jingkhun kaba 65 kilo, u Pynshngain Langpen u la jop ha ka jingiakhun kaba 70 kilo, u Sallim Sangma u la jop ha ka jingiakhun kaba 75 kilo, u Badon Kupar Lyngdoh u la jop ha ka jingiakhun kaba 80 kilo bad u Brian Bazeley u la jop ia ka jingiakhun kaba 85 kilo.
Napdeng kito ki nongjop ki hap ban ia knieh ia ka jingjop ban ioh rah ia ka nam Mr Meghalaya 2013, ha kane ka jingiakhun na pdeng ki phra ngut u Bah Langpen u la long u nongjop ha kane ka jingiakop.(SP News)
