Jowai Jylliew 12: : Ka jingiakop heh dohksah ba nyngkong eh bala pynlong da ka Jaintia Student Union (JSU) ia kaba la tip kum ka Mr.7Wasa. Ha kane ka jingiakop la ailad tang ia ki khun u Hynniewtrep Hynniew Wasa. U Pynshngain Langpen
Ia kane ka jingiakop la pynlong ha District Library, Jowai ha kane ka 8 tarik u Jylliew, ha kaba u Deputy Commissioner ka West Jaintia Hills u bah P.S. Dkhar ula long u kongsan.
Ha ka jingiakop la wan ban iashim bynta kumba 30 ngut ei ei na ki bynta bapher bapher jong ka ri Khasi-Jaintia.Ia ka jingiakhun la pynbynta ha ki 5 bynta (Categories) kata ha ka 55 Kgs, 60 Kgs, 65 kgs, 70 kgs bad 75 kgs.
Ha ka jingiakhun jong ki 55 kgs la rah da u Mr. Sniriang Sumer jong ka Body Mass & Fitness Gym Jowai, ha ka 60 kgs la ioh rah da u Mr. Maradona Rabon jong Body Zoo, Shillong, ha ka 65 kgs la rah da u Mr. Laket Pde jong ka Body Zoo, Shillong, ha ka 70 kgs la ioh rah da u Pynshngain Langpen na ka Body Zoo bad ha ka jingiakop ba 75 kgs pat la ioh rah da u Flanagan Kharwanlang jong ka Body Zoo.
Hadien ka jingiakop na ki bynta bapher bapher, la pynlong pat ia ka jingiakop kyllum hapdeng kitei ki nongjop na ka bynta ban iohrah ia ka Nam Mr.7Wasa. Ha kane ka jingiakop u samla Pynshngain Langpen na ka Body Zoo ula ioh ban rah ia katei ka Nam MR. 7 Wasa jong u snem 2013.(SP News)
