New Delhi Rymphang 28: Ka cabinet jong ka sorkar pdeng mynta ka sngi ka la pdiang ia ka jingai jingmud ban siew noh ia ka Dearness Allowance (DA) sha ki nongtrei jong ka sorkar pdeng ryngkat ia ka Dearness Relief (DR) sha kito kiba la shong thait ia kane ka pisa kin ioh ha dien ba la siew ia ka tulop jong u bnai Lber, kane ka jingsiew kan long 10 percent.
Ki nongtrei sorkar kin ioh ia ka DA bad RA 100 percent khein na ka tulop kaba ki ioh kane kan long naduh ka shitarik jong u bnai Lber mynta u snem. Ia kane ka jingpynkiew la leh katkum ka jongai jingmud jong ka 6th Central Pay Commission jong ka sorkar pdeng.
Kane ka jingsiew ia kane ka DA bad RA sha ki nongtrei jong ka sorkar pdeng, kan ktah ia ka pla pisa jong ka sorkar pdeng haduh T.11074.80 klur man la u snem bad na ka bynta une u snem mang tyngka kan long haduh T.12920.60 klur, kane ka long karkum ka jingpynlait khubor jong ka tand pathai khubor jong ka sorkar pdeng.(SP News)
