Smith, Nailar 17: Ka dorbar shnong jong ka shnong Smith kaba la long mynta ka sngi ha Madan Smith kala shim ia ki ar tylli ki rai ha kaba ia dei bad ka jingjia hapoh shnong ha ka miet sngi thohdieng ha kaba lain gut ki briew ki la iap ha ka jingkhibitar u paidbah.
Ka shnong ka la shim ia ka rai ha kane ka dorbar ban nym shah ia ki met iap ban wanrah hapoh u pud u sam jong ka shnong Smith, kaba ar kalong ba ka dorbar shnong kan lei tban ia kynduh ia u Walambha Nongrum u ba don mynta hapdeng ka jingshah sumar ha Nazareth Hospital shilong ban kylli bniah na u ia kaei kaba jia.
Ha ka juh ka por na ka liang jong ka dorbar ka pynrem ia ka jingleh jong ki pulit ha ka miet sngi thohdieng ban siat lyer pynsat khamt bad ban bom pathar ia ki briew bad ha ka juh ka por ka pan map na ki pulit ba ha ka jinghuri hura la la don ruh ka jingmynsaw na ka liang jong ki pulit kane kam dei ba ki da thmu khnang hynrei ha kam paidbah ka don ka jingbakla.
Kine ki lai ngut kiba la khlad na ka daw jong ka jingshah bom ha ki paibah la tip kyrteng kum u bah Yestly Mawthoh 70, Bestly Mawthoh 65 bad u D S Nongdhar 30 snems . Ia ka metiap jong kine ki lai ngut la rah sha civil hospital ban leh ia kaba don kam. Ia ka dorbar la pyniaid da u Sordar jong ka shnong u Bah Kynsai M Syiem.
Ki pulit kiba la mynsaw ha katei ka miet sngi thohdieng ki kyntup ia u SP City u bah Vivek Syiem, OC jong ka Madanriting bad ar ngut ki wei ki pulit langrud kiba la kham mynsaw jur.
Na ka jong ki pulit ki la ong ba ka daw jong kane ka jingjia ka long ba ha ka miet 14 tarik mynta u bnai u wei u samla u ba la tip kyrteng kum u Lambha Nongrum 25 snem jong ka shnong Smith u la jah na iing bad ha ka jingiawad shnong mynstep la lap bad u la mynsaw bad la rah ia u sha Nazareth Hospital ban phah sumar.
Ia ka daw jong ka jingjia ym lah ban tip, hynrei la suba kitei ki lai ngut kiba la shah bom shnong haduh ba ki la duh ei iala ka jong ka jingim kiba la shah suba ba ki dei ki menshonoh ki paidbah haba ki la ioh ban kem ia ki la bom la tied.
Ha kane ka jingjia katba ki pulit ki dang pyrshang ban khanglad ki la shah kawang maw bad ki la mynsaw, ki kali kiba la julor ym tang jong ki riew paidbah hynrei wat ki kali pulit ruh kum juh. Ha dien ka jingtrei shitom jong ki pulit la lah ban sei ia ki met iap bad rah sha Civil Hospital ban leh ia kaba don kam. (SP News)
