Shillong, Kyllalyngkot 06: Ka seng Ri Bhoi Youth Federation (RBYF) ha ka jingialang kaba la long mynta ka sngi ka la shim ia ka rai ban pynlong noh ia ka election ban jied ia ki nongkit kam kiba thymmai ha ka 23 tarik mynta u bnai.
Haba kren ha u SP News Agency u general secretary jong ka seng u la ong ba ia kane ka election la dei ban pynlong kham mynshuwa hynrei na kid aw kiba ym lah ban kiar la buh teng haduh mynta. Ha katei ka 23 tarik baroh ki dkhot jong ka seng kin ia poi ban jied ia ki nongkit kam kiba thymmai.
Haba ia dei bad ka jingdawa halor ka ILP na ka liang jong ka seng ka dang ieng skhem ha ka juh ka nongrim kumba long baroh ki seng kiba ia don baroh shikatta ban dawa ba ka sorkar ka dei ban pyntrei kam ia ka ILP ha kane ka jylla.
Na ka liang jong ka seng ka ai khublei snem thymmai ba suk ba kmen ia ki paidbah jong ka jylla baroh kawei ba to ai une u snem 2014 yn long u snem jong ka jingsuk bad ban ia bha ha ka kmai ka jih jong ki paidbah baroh.(SP News)
