Shillong, Nailur 03: ka jingialang ba kyrpang kaba la long mynta ka sngi jong ka seng UDP ha iing jong u nongialam ka liang pyrshah u Dr Donkupar Roy. Ha dien ka jingiakren kaba sani bha ki la shim ia ka rai ban phah san ngut ki dkhot jong ka seng sha ka jingialang jong ka All Party Meeting kaba la khot da u myntri rangbah ka jylla.
Ha kane ka jingialang ka UDP ka la shim ia ka rai ruh ba kan ai ia ka jingmynjur ka jong ka ba dei ban pyntrei kam noh ia ka ILP ha kane ka jylla Meghalaya ban iada na ka jingwantuid jong ki bar jylla.
Na ka liang jong ka UDP ka la pynpaw ba ka sorkar kam lah ban shu leh klet ia ka jingai jingmud jong ka HLC kumno ban the la kam ia ka jingwan tuid jong ki bar jylla ha kaba ka sorkar ka la thung ia u Bah Bindo M Lanong kum u Chaieman ha katei ka por ba u dang long u Deputy CM.
Ha katei ka HLC ki la don ki myntri na ka sorkar bad ki CEM jong ki Districil ki seng bhalang bad ki riew rangbah ka sorkar kam dei ban shu klet noh ia kane ka Committee. Na ka liang jong ka UDP ka don ka jingkyrmen ba ka sorkar kan sa pyrkhat biang sa shisien ba ka dei bna pyntrei lam ia ka ILP wat la u myntri rangbah u la kyntiat.(SP News)
