Shillong, Nailar 27: Ka kynhun ki seng bhalang kiba dei jong ki kynthei kiba don haduh khyndai tylli mynta ka sngi ki la ia kynduh lang ban ia kren kumno ban ia leh pyrshah ia kine ki kam leh beijot ia ki kynthei khynnah ha ka jylla Meghalaya.
Kine ki seng kiba la don lang mynta ka sngi ki long ka Lympung Ki SengKynthei, CSWO, KWADA, Impulse NGO Network, , North Eastern Regional Domestic Workers Movement, NEN( North East Network, HANM (Women’s Wing) MUWWO( Meghalaya United Women’s Welfare Organization, KKHA( Khun Kynthei Hynniewtrep Association ha kaba ka kong Hasina Kharbhih ka nongialam ba mynshuwa jong ka Impulse NGO Network, bad ka kynhun RTI Activist kong Angela Rangad baroh ki la ia wan lang ha kawei ka kynhun ban ia leh pyrshah ia ki kam batbor ia ki kynthei.
Ha kane ka jingiakynduhlang jong ki seng bhlang kiba dei tang ki kynthei ki la ia mir jingmud sani bad ki la shim ia ka rai ban kyntu ia ka sorkar ba ia ki kam lehbeijot ym dei ban shah ban bihsar hapoh ki iing bihsar jong ki District Council hynrei dei ban bihsar hapoh jong ka Fast Tract Court (FTC).
Na ka liang jong ki ruh ki kyntu ia u DGP bay n buh ia ki pulit kynthei ha ki jaka ban tohkit ia kine ki kam bad ia ki pulit kiba dei kyrpang na ka bynta ki kynthei ym dei ban shu pynkynriah kam ia ki katba ki sengbit.
Na ka liang jong kine ki seng kin sa peit bniah ia ki Mukotduma kiba ia dei bad kiba kham paw kiba don bynta ki riew paw khmat. Kine ki seng kin pynlong ruh ia ki jingpynshai paidbah kumno ban ialeh pyrshah ia kine ki kam sinew kiba la ktah bha ha ka jylla.(SP News)
