Shillong, Naiwieng 14:Kum shibynta ban rakhe iaka NYK Foundation Day kaba hap ruh ha kajuh ka sngi bad ka Sngikha jong u Pandit Jawaharlal Nehru ia kaba la rakhe kum ka Sngi burom ia ki Khynnah (Children’s Day) ha kylleng satlak jong ka Ri India, ka HMYWO ruh ha ryngkat ka jingiatreilang bad ka Office NYKS, Shillong ha ka 14th November 2012 kala rakhe ia katei ka sngi kyrpang da kaba pynlong ia ka Marathon ha kaba ka Phang Pdeng ka long ‘RUN FOR UNITY’ ha kaba 120 Ngut ki khynnah bad Samla Kynthei bad Shynrang jong ka Thain Mylliem kila iashim bynta shitrhem ha katei ka Sngi.
Ha katei ka Marathon ia ka nam lahduh na ka Liang ki khynnah Shynrang la ioh rah da u Toris Kurkalang katba na ka liang ki kynthei pat la ioh rah da i Artilin Kurkalang kiba la ioh ranh ia ka Song Tyngka kaba Rs.3000/- marwei, nalor kiwei pat kiba la wan ha ka kyrdan ba Ar bad ba Lai la Ai Khusnam ruh ia ki khynnah kiba dang rit tam kiba la iashimbynta shitrhem ha katei ka jing ia mareh Thong kynthup ia I Heprit Sainborwel Kharbyngar & Heprit Idason Kharlukhi na ka liang ki Shynrang katba na ka liang ki kynthei pat ia I Heprit Ribisha Pathaw & Ribakordor Kharlukhi.
Ha katei ka Sngi la wan ban Sakhi da u Kongsan u Paiem Latho Manik Syiem, Syiem jong ka Hima Mylleim u ba la ai ka jingiaroh ia ka HMYWO kaba long ka Seng Trei mon Sngewbha hapoh ka Hima da ka jingthmu ban wanrah ia ka jingling kawei hapdeng ki Khun samla jong ka Raid bad ka Hima. U Symbud Kongsan ha katei ka Sngi U Myntri I/C Market, Myntri K.Langstieh kum ka dak jong ka jing trei shit rhem jong ha HMYWO u la noh synniang da ka Kor Computer khnang ba kane ka Seng Samla jong ka Hima kan nang lah ban trei kam khambha katkum ka jingiaid bad ki jing kylla jong ka Por.
U Dr. Salam.D.Singh, District Youth Coordinator NYKS, Shillong ha kaba na ka liang jong u ruh ula pynpaw ba wat la kane ka Seng ka long kaba dang lung hynrei kala lah ban noh synniang shibun eh na ka bynta ban kyntiew ia ki Samla kumta u la ong ba dei namar kata ka daw ka Office NYKS, Ministry of Youth Affairs & Sports, Govt. of India ka la ibit ban pynkup burom ia kane ka Seng Treimon sngewbha ha kaba na ka liang jong ka Office kan sa ai da ka Khusnam District Youth Club Award 2011-12 ha ka jingialang kaba yn sa pynlong shen ha ka Nongbah Shillong bad u la pynbna ruh ha kane ka sngi ba ia ka HMYWO la ithuh kum kawei na ki Mentor Youth Club ka ban btin lynti lem ia kiwei pat ki Seng Trei mon sngewbha ha kane ka Thain.
Nalor jong u Dy.Syiem, ki Myntri jong ka Hima Mylleim lem bad ki Rangbah Shnong jong ka Thain Mylliem ha kane ka Sngi la iadon ryngkat ruh da u Samla ba Pawkhmat ym tang ha ka Thain Mylleim hynrei ha ka Jylla hi baroh kawei bad u ta u long u Samla Kitboklang Nongphlang (State Youth Awardee) uba dei ruh ha kajuh ka por u Member jong ka Advisory Committee on Youth Programme NYKS, Ministry of Youth Affairs & Soprts, Govt. of India uba la ai ka jingkren kyntu kynpham ha katei ka sngi ba kyrpang jong ka NYK.(SP News)
