Jowai, Nailar 14: Ka shnong moodymmai kaba don hapoh jong west Jaintia Hills District ka la rakhe ia ka jingdap 50 snem jong ka kynhun Villa
ge Defence Party hapoh jong kane ka shnong.
Ha ka jingkren jong u Bah H.G.Lyngdoh SP West Jaintia Hills u ba long u kongsan ha katei ka sngi u la pynpaw ia ka jingsngewnguh ia ki nong prat lynti khamtam ia kito kinongialam 50 snem mynshuwa kiba la iohi jngai ia ka jingshong suk shong sain ha ka shnong ka thaw.
Na ka liang jong u tei u heh pulit u la ong ba ka jingdon jong ki VDP ha ki shnong ki thaw ka la iarap shibun ha ki bor pulit ha kiba bun ki liang ban shngian ka leit ka wan ki kynthei khynnah ha ki shnong ki thaw.
Haba ia dei bad ka jingshah leh bein ki kyhthei khynnah na ka liang jong u heh pulit u la ong ba ia kane ka kam dei ban ia shim khia naduh la iing ban peit ia ka iaid ka iieng ka jong ki lada iohi ba ki iaid ha ka lynti kaba bakla dei ban sneng ia ki.
Ia kane ka VDP hapoh jong kane ka shnong la seng ha ka 13th Nailar 1963, bad ki nongseng ki long u Bah Tikin Parait, kum u chairman, u bah Cross Pyrtuh kum u secretary bad u Bah Elbi Phawa kum u secretary ha katei ka por kine ki nongseng mynta kim don shuh ha kane ka sla pyrthei hynrei ka burom ka leit sha ki.
Ia kane ka jingialang ban leh burom ia ka jingdap 50 snem jong ka VDP ha kane ka shnong la pyniad da u bah Laitsing Shylla u ba dei u MDC, u Bah Moonlight Parait bad u Bah S M Suna ki MDC jong ka JHADC ki la ia don langha ryngkat ki paidbah jong ka shnong.(SP News)
