New Delhi, Nohprah 21: Ka kynhun pulit jong ka jylla Meghalaya kaba don ha ka nongbah Delhi haka s
ien ba nyngkong eh ba ki pulit ka jylla ki rakhe ia ka advance Christmas ha Delhi naduh ka por ba ki la sdang ban ioh leit trei sha bar jylla, kata kadei haka ne ka kynti ba don ka 5th MLP BN.
Ka jing rakhe advance Kristmas ki Pulit jong ka 5th MLP Bn ki ba don ha Delhi ka f kaba i phuh i phieng, ka jing ia don ryngkat ki briew ka jylla ki ba shong ba sah ha nongbah Delhi lem bad I Pastor jong ka Delhi Achik Christian Fellowship (DACF) ka Laida Sangma ka la pynlong ia kane ka jingrakhe kaba jop.
La sdang iaka jing rakhe da ka jingiaseng duwai bad laioh ruh ka jingkren bad jingduwai na u pastor ka DACF, jingkren na u Commandant kane ka Battalion u bah F.G Kharshiing, IPS bad la pynbud da ka cultural programme, ha ka ba ki briew kane ka kynhun na kylleng ka nongbah Delhi ki la ia shim bynta bad pyn la ki sap ki phong ba ki don kum ha ka rwai ka siaw ka put ka tem, ki khana biria lem bad kiwei kiwei de. La pynkut ia ka ne ka jing rakhe da ka jing ia bam sngew bha ka ba pahuh pahai, ki jing bam ba bun jait bun rukom ba la pynkhreh kumba ka ju long hala ka jong ka jylla.
U Commandant ka ne ka Battalion haka jing kren u la kyntu ai mynsiem iala ki jong ki briew, ba kampher la ngim ioh ban iadon ryngkat bad ki baha ing ha sem hakane ka Kristmas ne ha ki wei ruh ki bynta hynrei ngi dei ban ia ieid I wei ia I wei namar ka kynhun jong ngi ruh ka long hi kum kawei ka ing ka sem, bad ngi dei ban pyndep hok ia la ki kamram ba ka ri jong ngi ka la pynshet ha ngi khnang ba u Trai nongbuh nongthaw un kyrkhu kyrdoh. (SP News)
