Shillong, Risaw 03: Ka jingialang jong ka Cabinet mynta ka sngi ka la shim ia ka rai ban pynki
ew noh ia ka khajana jong ki Markhlaw kiba mih na kane ka jylla Meghalaya. Ia kane ka jingpynkiew la shim ha ka jingialang jong ka cabinet kaba la long mynta ka sngi.
U Bah Prestone Tynsong myntri ba dei peit ia ki kam khlaw ha kane ka jylla Meghalaya u La ong ba ka sorkar kam shym la pynkiew ia kine ki ar khlaw naduh u snem 1999 bad mynta ka la dei ka por ban pynkiew ia ki.
Ka jingpynkiew dor ka long ia u dieng sawdong , la pynkiew na ka T 500 tyngka sha ka T.5000 tyngka , ia u dieng ba la ot ha ki karkhakna, la pynkiew na ka T.200 sha ka T.5000 tyngka, ki dieng iap la pynkiew na ka T.200 tyngka sha ka T.5000 tyngka.
Ia u siej la pynkiew na ka T.100 tyngka sha ka T.1000 tyngka, ia u synsar bad sla tyrpad la pynkiew na ka T.60 tyngka sha ka T.500 tyngka. Ia u thri la pynkiew na ka T.300 sha ka T.5000 tyngka bad ia u dieng khlein kseh la pynkiew na ka T.300 tyngka sha ka T.5000 tyngka.
U Bah Prestone u la ong ba ha kine ki snem kiba la dep ha ka dor kaba rim ka sorkar ka la ioh ban lum khajan tang T 6 klur tyngka bad mynta ka don ka jingkyrmen ba kan sa kham kiew la ong u myntri.(SP News)
