Shillong, Jymmang 1: Ha ryngkat bad ka Ri baroh kawei ka seng , Meghalaya Joint Council Trade Union & Association (MJCTU&A) mynta ka sngi kala rakhe ia kane ka sngi ‘May Day’ ka sngi kaba la buh ban kynmaw kyrpang ia ki nongbylla.
Haba kren ha ki nongthoh khubor u General Secretary ka MJCTU&A, u JL Das u la ong ba kumba ka long mynta ka jylla Meghalaya ka don ha pdeng ka jingdum ha kaba don kam ban leh ei ei na ka bynta kane.
Ka phang kaba kum ka seng ki nongbylla ki kwah ban ong sha ka sorkar ba ka sorkar ka dei ban pynduna ia kane ka jingpynlip- light, ban pynhiar ia ka dor jong ka bai light bad ka sorkar ka dei ban pynkhlain ia ka jingsam ia ki marbam sha ki paidbah.(SP News)
