Guwahati, Naiwieng 20: U myntri ba deipeit ia ka tand die slasha jong ka sorkar Assam u Pradyot Bordoloi u la ong ba ka jylla Assam ka la lah ban pynmih haduh 55% u slasha ha kane ka Ri India bad u long u ba iaid iew bha.
Hynrei kaba sngewsih ka long ba ia ki jaka dielang ha kane ka jylla Assam la leh klet. U la pynkynmaw ba haduh ki snem 1970 ia u sla sha la die sha ki iew ki hat lyngba ka GTAC ba la juhioh ia ka dor kaba biang.
Ban pynbha ia ka rukom pyniaid iew na ka liang jong ka sorkar jylla ka la ia kren bad ka tnad khaii pateng jong ka sorkar pdeng halor ka kaiphot kaba la ong ba u sla sha u ba mih na ka jylla Assam u don bun ka dawai dei ka kane ka daw ba ka Ri Germany ka la pynphai noh ia u sla sha sha India.
Katkum ka kyndon kaba la buh ka long ba la shah ia u sla sha ba un don khyndait ka dawai kumba la buh da kiwei ki ri sepngi ia kabala tip kum ka European Union, kine ki ri kila thaw ia ka ain bad ki la buh ia ki kyndon ba la shah ban don ka dawai ha ki jingbam baroh bad kane kam dei pat ban palat na ki kyndon ba la buh. (SP News)
