Shillong, Naiwieng 24: Ia u Mawnongrim ban tei ia ka iing jong ki briew kiba khlem iing khlem snem ha Mawprem ia kaba la buh da u myntri rangbah ka jylla u Dr Mukul Sangma ha ka jingiadon lang ka myntri pynroi sor ka kong Amparren u la shu sah khlem don kano kano ka dak jong ka jingsdang ia ka kam ban trei.
Ia u Mawnongrim la buh ha ka 19 tarik jong u Naiwieng 2011 bd mynta ka la dap shi snem. Ka jingthmu ban tei ia kine ki iing ki snem ka long ba kito ki briew kiba khlem iing khlem sem kin ioh ban sah miet ban lait na ka lyer u slap ha dien ba ki la iaid wir baroh shi sngi.
Na ka liang jong ka dorbar shnong jong ka Mawprem ka la pynpaw ia ka jingsngewsih ban iohi ba ia ka kam haduh mynta ym pat sdang. Na ka liang jong ka dorbar shnong kan sa leh ei ei lada ka sorkar kam sdang noh ia kane ka jingtrei.
Haba la leit ban ia kynduh na ka liang jong ki bor ba dei peit ia ki la tei pop ia ka CL company HCH management of HCL ba ki khlem pat sdang ia ka kam. Na ka liang jong ka shnong ka lah ban pan da ka RTI ban ioh ia ka jingshai.
Na ka liang jong u Bah Paul Lyngdoh MLA jong ka Jaiaw u la ong ba u ruh u sngewkhia ia kane ka kam namar ba kam pat don ka jingsdang ban trei ia ka kam. Na kiwei pat ki tyllong khubor ki iathuh ba kane ka jingpynslembaroh ka dei na ka daw jong ka jingialeh politic wat ha ki kam pynroi.(SP News)
