Shillong, Naitung 01: Ka ophis treikam jong ka District Programme Officer, ICDS (cell) ka la sam ia ka khusnam State Level Award 2012-13 bad ka District Incentive Award 2012-13 sha ki nongtrei Aganwadi kumjuh ia ki nongiarap kiba hap hapoh ka East Khasi Hills bad ka Ri Bhoi District ha u bnai Jyliew 26 tarik kaba la pynlong ha ka Aganwadi Training Centre, Shillong.
Ka Deputy Director jong ka tnat Social Welfare, Meghalaya, Mrs C.N Marak kaba long ka kongsan ha kane ka sngi ka la ai jingkren bad sam ia ki khusnam sha ki nongtrei jong kaAganwadi.
Kiba ioh pdiang ia ka State Level Award ki kynthup ia i kong Elotis Sohtun na Phlangwanbroi ‘A’ AWC, Mawsynram ICDS Project bad I kong Meral Siangshai na Nongrah ‘B’, AWC Umsning ICDS Project.
Na ka liang jong ki nongtei kiba ioh ia ka khusnam District Incentive Award ki kynthup ia I kong Helina Wahlang iba na Mawlai Phudmuri AWC, Myliem ICDS, I KONG Eming Khonglam na Wahpathaw AWC, Pynursla ICDS, I kong Merilin Dohling na Nongtraw AWC, Khatarshnong Laitkroh AWC, ICDS bad ia i kong Aijita Mawlong na Umsning Patarim AWC, Umsning ICDS.
Na ka liang jong ki nongiarap kiba ioh pdiang ia ka District Incentive Award ki kynthup ia I kong Joan Amy Kharpuri na Lummawbah Block I1 AWC, Mylliem ICDS, I kong Dina Kharkongor na Mynsang ‘B’ AWC, Mawkynrew ICDS, I kong. Inroi Binan of Laitsohphie AWC, Pynursla ICDS bad I kong. Harmuti Rongchon na Mamain AWC, Umling ICDS. (SP News)
