Shillong, Iaiong 09: Ki samla kiba la pass ia ka examin grade IV ha u snem 2011 ia kiba khlem pat shah thungkam haduh mynta na ka daw jong ka jingkuman jong ka sorkar mynta ka sngi ki la pynlong ia ka jingshah thgnan kaba khlem buh por ha Madan Student.
U Bah T. Mylliempdah assistant general secretary jong ka seng Association of Qualified Grade-IV-2011 u la ong ba kane ka jingpynlong ia kane ka jingshah thngan kaba khlem buh por ka long ban pynbor ia ka sorkar ba ka dei ban thung kam noh ia baroh kiba la pass ia kane ka examin kaba la pynlong da ka District Seclection Committee kaba dei jong ka sorkar.
Na ka liang jong ki nongialam jong ka seng ki la ia kynduh ia u Deputy Commissioner jong ka East Khasi Hills u Sanjay Goyal ban ia kren ia kane ka kam hynrei ka sorkar ka leh kum bym ioh sngew dei na na kane ka daw ba ki sa shim da kane ka lynti jingiakhih ban pynbor ia ka sorkar.
Ha ka Examin kiba la pass baroh ki long 311 ngut hynrei ka sorkar ka la thung tang 122 ngut katba kiwei pat 209 ngut. Ka daw ba ka sorkar ka la ai ka long ba baroh ki post la dep ban pyndap bad ka por jong ki ka la kut, ia kaba ka seng kam lah ban pdiang ia kane ka jingong jong ka sorkar.(SP News)
