Shillong, naitung 10: ka lehniam Behdein Khlam kaba saw sngi lynter ka la sdang mynta ka sngi ha Jiantia Hills bad kum juh ha kane ka nongbah Shillong. Kane ka jinglehniam ba kyrpang jong ka Niam trek kan kut ha ka 13 tarik mynta u bnai da kaba pynoh ia ki rod ha Aitnar ha Jowai.
Ha kane ka nongbah Shillong, ka seng khasi seng kmie mynta ka sngi kala pdiangburom ia ki nongialam jong ka sain raid ha Ing seng khasi ha Mawkhar ha ryngkat ka duwai ka phirat ban pan na u kyrad nongbuh nongthaw ia ka bha ka miat.
Ia ka jingkren pdiangburom na ka seng khasi la kren da u Bah M F Blah president bad ia ka jingduwai phirat la leh da u bah Skhor Jala, katba na ka liang jong ka seng Riad la kren da u Bah Omarlin Kyndiah Secretary.(SP News)
