Shillong,Jymmang 03:U Bah Kwit Kyrsiang rangbah shnong ka Kynroh Nonglyer bad u Secretary u Bah Fightstar Nongtri ki la ai da ka FIR ha sohiong police outpost ha ka 15 tarik jong u bnai ba la dep Pyrshah ia ka Kong Agnes lem bad sawngut ki long kmie ka kong Fatima Kharthangmaw,ka kong Polina Kharthangmaw,ka kong Ortila Nongrum bad ka kong Stet Basalarmaw , ha kane ka ujor ula kynnoh ba kine ki long kmie ki la pynjah burom ia u bad ia ka Dorbar Shnong.
Haba ia kren bad ki lad pathai khubor ka kong Agnes ka la ong,ba na ka liang kiba la shah ujor ki la leit ban hajir ha Laban Police station ban ai jubab halor kane ka ka jingshah ujor jong kine ki saw ngut ki long kmie,mynta ka sngi la shah khot hajir ia ki.
Kat kum ka jingioh jingtip ha ka jingialang ha dorbar shnong ki don kiba la iathuh ba wat u Sordar ula ong ba ym dei ban ai khaw shuh ia kine ki long kmie ka daw long na ka jingsngew pher party (politic) hynrei na ka liang u nongsam khaw ym treh shuh ban sam khaw shuh lada ym ai ia kine ki longkmie bad kaba tieng ka long lada u wan da uwei pat kine ki khynthei kin ioh ne em ia u khaw,la ong ka kong Agnes.
Shuh shuh ka kong Agnes ka la ong,ki pulit ki leh ia kaba dei namar haba ki ioh ia ka jingujor ki dei ban leh kat kum ka kyndon aiñ ban khot hajir ia ki,hyrei ka ka la kylli pat “hato ha man la ki por ba ka la ai ia ki jingujor (FIR) halor ka education scam,ka jingia knieh jaka ha Umsawli ka aiñ ka la ju khot ia kine kiba la shah ujor, kumba ka aiñ ka dei ban long ryngkat na ka bynta baroh hato ka aiñ ka la leh ia kata ne ka shu leh tang ia kiba duk bad kiba biej”.(SP News)
