Shillong, Nailar 06: Ka jingkhien ia ka jingdon jong ki khla ha kane ka jylla Meghalaya kaba la long khatduh ka dei ha u snem 2003 bad naduh katei ka por kamshymdon shuh kata ka jingkhein. Katkum ka jingkhein ha u tei u snem ki khla ki don 47 tylli ha kane ka jylla Meghalaya.
Ka jingkylli ka long shaei kine ki 47 tylli ki khla ki jah na kane ka jylla Meghalaya namar naduh u tei u snem haduh mynta kams hym don shuh kata ka jingbuh jingkhien ia ka jingdon jong ki khla ha kane ka jylla.
U bah C Buddnah u ba dei peit ia ki mrad khlaw ha kane ka jylla Meghalaya haba kren ha u SP News Agency u la ong ba ka jylla Meghalaya kam dei ka jylla kaba la ithuh ba don ki khla, dei na kane ka daw ba kam shym don kano kano ka project ha kaba ia dei bad ki khla.
Haba la kylli pat shaei kita ki 47 tylli ki khla kiba la don ha ka jingkhien mynta ki don, u bah Budnnah u la ong ba ia kane ka jingkhein ki la buh ha kaba ki lap sha khlaw ia ki khla ha ka por ba ki shim jingkhein ia ki hati kiba leh shisien san snem.(SP News)
