Shillong, Jylliew 03: Ka seng Kylleng Pyndeng Sohiong Development Association (KPDSA) kan leit ban ia kynduh ia ki heh jong ka UCIL ban daw na ka ba ka dei 
ban pynsangeh shuwa shipor ban pynlait pisa sha ka KHADC namr ka jingsiang rong torti ia katei ka surok na Wahkaji sha Mawthabah la ong u Bah H Sangriang.
Kumba ka longmynta ki don ki jaka kiba dang shudep siangrong hynrei ka surok ka la jop. Naka liang jong ka seng ka la juh ong na ka por sha ka por ba ka jingtrei ha ka jingpeit jong ki kam long kaba biang hynrei ym don ba sngap.
Ka sien jam kaba nyngkong ba kin leh ka long ba kin leit ban ia kynduh ia ki heh jong ka UCIL ba ka dei ban pynsangeh shuwa shipor ia ka jingbei pisa na ka bynta katei ka surok lada ka jingtrei ka dang long kaba torti la kynnoh ka seng KPDSA.
Lada ka UCIL kam sngap ia ka jingdawa ka jong ki ba dei ban trei katkum ka jingiatehkular mynshuwa ki paidbah katei kathain kin leit ban khyndang ia katei ka surok namar ka jingbei pisa jong ka UCIL ka la biang ban shna ia ka surok katkum ki kyndong jong ki National High Way.(SP News)
