Shillong, Kyllalyngkot 12: Ka Shillong Lajong FC kan leit ban ia shim bynta haka jingialehkai k
aba 35th Federation Cup 2013-14 ha Kerala bad kane ka kynhun ka la mih na Shillong mynta ka sngi.
Ki team baroh na kane ka Ri India kiba leit ban ia shim bynta ha kane ka jingialehkai ki don 16 tylli bad ia ki la phiah ha ki saw kynhun, ka Shillong Lajong FC ka hap ha ka kynhun B bad ki team kiba ia don lang ha kane ka kynhun ki long ka Goan Club Salgaocar SC, Kolkata Club Mohun Bagan bad ka Mumbai FC.
Ka Shillong Lajong FC ha u snem 2009-10 kala leh bha shibun ha kane ka jingialehkai bad kala poi shaduh ka phainal ha kaba ka la ia kynduh bad ka East Bengal bad kala rem ha ka jingiashoot penalties.
Ki player jong ka Shillong Lajong FC kiba la mih ban leit ia shim bynta ha katei ka jingialehkai ki long, u Lalthuammawia ralte, Vinay singh, Minchol son, Kh.jibon singh, Wailadmi passah, Lalchhuanmawia fanai, Robin gurung, C.lallawmzuala, Samuel shadap, Taisuke matsugae, Ongnam milan singh Boithang haokip, Lalrammuana, Redeem tlang, Bipin singh, Singam subash singh, Seikhohao tuboi, Cornell glen, Shaiborlang kharpan, Rupert nongrum.
Ia kane ka kynhun la ialam da u coach, Thangboi singto bad la synran lang ia u da u team manager u Birendra thapa lem bad team physio Heikam Bikram Kumar. Na kitei ki player kiba la leit ban ia shim bynta 9 ngut ki dei na ka U-23 bad 7 ngut na ka Shillong Lajong Youth Academy.(SP News)
