Shillong, Naitung 04: Ki nonghikai college hapoh jong ka lama MCTA ki la shad kmen namar ba u myntri rangbah jong ka jylla u Dr Mukul Sangma u la kular ban pynlait noh ia arrears kaba sah ka jong ki kaba la kot sha ka sawphew hynniew klur tyngka.
Kane kajingkular na u myntri rangbah ka long ha ka 3 tarik mynta u bnai ha kaba ki nongialam, jong ka MCTA kila pynpaw ia ka jingsngewnguh ia u myntri rangbah ka jylla. U Dr BH Buam president ka seng u la ong ba ki la ia kynduh teng ia u myntri rangbah ban ia kren ia kane ka kam. Wat la kim pat ioh ia ka pisa hynrei kane ka jingkular ka la pynhun ia ki.(SP News)
