Shillong, Lber 14: U Arch Bishop jong ka jylla niam Shillong Diocese u Rev Dominic Jala u la ong ba ki paidbah riew ngeit jong ka balang Katholik ki la shad kmen ha kaba ki la ioh ia u kpa bakhuid u ba thymmai ha dien ka jinghiar shuki noh u Pope Benedict XVI ha ka 28 tarik Rymphang mynta u snem.
U Cardinal Jorge Mario Bergolio na ka Ri Argentina ha dien ba u la shah jied kum u kpa bakhuid ba 266 u la shim kyrteng noh sha lade da ka kyrteng Francis, kane ka long ka sien kaba ar ha ka juh ka por ba u cardinal bym dei na Europe u la ioh ban kiew ha kane ka kyrdan.
Na ka liang jong u Bishop Rev Jala u la ong ba ha dien ka jingshong thait noh jong u kpa ba khuid Bendict kala don ka jingsngew thylli ha ka balang namar khlem u nongsharai, hynrei u blei ymjuh ieh bad mynta u la ai ia u kpa bakhuid ba thymmai.(SP News)
