Jowai, Kyllalyngkot 17: Mynta ka sngi ka Hynniew Trep Achik National Movement (HANM) mynta ka sngi kala leit buh dorkhat ha ka office jong ka Subdivisional School Education Officer West Jaintia Hills District ban dawa na ka tei ka office ba ki dei ban phah siew mardor ia ka tulop jong kawei ka nonghikai kaba trei kum ka Assitant Teacher haka Nartiang Presbytarian Upper Primary School ka kong Diangmon Dkhar kaba la trei la kumba 29snem ha katei ka School ba kyndit kynsan kane ka Nonghikai kala shah bat tulop 3 bnai ei ei tang na ka daw ba kane ka briew ka leit pyniasoh ialade sha ka niam Seventh Day Adventist Church.
Ka HANM haba iakren bad ki nongthohkhubor lyngba u ma Chaniah Suchen President ka HANM Jaintia Hills District u la ong baka School Mananging Commitee (SMC) jong ka tei ka School kala leh kaba bakla pyrshah ia ki kyndon ain jong ka ri (Constitution) namar ka ri shynshar paitbah uno uno bad kano kano ka briew kila ban leit pyniasoh bad kano kano ka niam, te halor kane ka nongrim ka seng ka pyrshah bad pynrem jur ia ka jingleh jong kane ka SMC ba ka la iuhroit iaka hok longbriew manbriew
Shuh shuh ka seng kala dawa nakatei ka office ba kadei ban phah siew syndon ia ka tulop jong katei ka nonghikai hapoh kyndiat sngi, lym kumta ka seng kan leit ujor shisyndon ki bor jongka ain (Court of Law) bad iakane ka dorkhat ka seng kala phah kopy sha u Diretor of School Literacy Meghalaya Shillong un leh ia kaba donkam, pynkut ka kyrwoh khubor na une nongialam u Chaniahlang Suchen. (SP News)
