Shillong, Lber 19: Ar ngut ki rangbah na ka shnong New Amkrem, Jirang Syiemship ki la shah bom ha ban da jem jai hynnin ka step sngi Nyngkong ha ka kynhun ki jong khar Assam kaba don kumba 8 ngut ki la wan ha katei ka shnong ban pynhiar kput ia kitei ki briew ar ngut kiba la ithuh kyrteng u Bilum Sangma bad u Oskar Rani kaba dei shi kthaw shipyra halor ka jingkynnoh ba ki la shoh pyndkhoh ia uwei u muid jong ki.
Haba iakren bad u Bah Wesly Doloi, Rangbah shnong ka New Amkrem ula ong, ba kitei ki dkhar ki la wan ha ka por 7 baje mynstep bad ki la rah ia kitei ki ar ngut ryngkat ka shoh ka bom lynti lynti sha Assam haduh ba ki la jem jai kat huduh ban poi sha Gunpati, la iathuh ba u Bilum ym lah shuh ban iaid lynti ha katei ka por namar u la mynsaw jur na ba shoh kitei ki dhar, kiba la ialam beit biet sha iing jongki.
U Doloi u la ong, ynda ki la poi ha iing jong kitei ki dkhar ki la phah soi jubor ia kawei ka kot kaba ki la thoh ba ki dei ban siew T.1 lak hapoh ar taiew, hynrei ka jingeh ka long kin ioh pisa naei ban siew ia kitei ki dkhar namar ba ki dei ki briew kiba iam ha ka rep ka riang bad ba duk.
“Ha ka jingshisha utei u muid u dei uba la mynsaw bad la dkhoh naduh mynshwa kumta la shu pyllait lan da kitei ki dkhar sha khlaw ha katei ka thain bad katei ka jingleh ki dkhar ka dei tang beit ban shim kabu ban ioh pisa,” ula ong bad bynrap ba ia u Bilum la rah noh sha jaka sumar na bynta ban sop spain ia ki jingmysaw jongu hadien ba la dep hynne ka sngi hi la pynkit noh sha shnong, ha New Amkrem.
Ula iathuh ba un leit ban ujor sha ki pulit jong ka Khanapara Police Station halor katei ka jingjia ban in iarap lem ha kum katei ka jingjia ha ka khappud bad ka Assam.(SP News)
