Shillong, Jylliew 27: U nonbihsar jong ka Meghalaya High Court u la pynmih ia ka hukum ba u nongbishar jong ka District Council u dei ban leit mih hi da lade hakhmat ka iing bishar halor ka mukot duma kaba la ai da ka Amita Sangma pyrshah ia u S. Kharsyiemlieh.
Na ka liang jong u nongbishar jong ka Meghalaya High Court u T Nanda kumar Singh ha ka jingai rai ka jong u la ong ba ki nongtrei jong ka iing bishar hapoh jong ka District council kim dei ban pynphai ia ki notice kiba la ai na katei ka iing bishar haba phah sha u nongbishar jong ka tei ka iing kashari.
Ki nongtrei hapoh katei ka iing bishar ba ki dei ban pyntip ha u nongbishar bah S Kharsyiemlieh ia kane ka notice contempt pettion. Haba shim ia kane ka jingbishar na ka liang jong u muktiar u bah ND Shullai u la pyntip hapoh ka iing bishar ba u Bah S Kharsyiemlieh ym donha Shillong bad yn wan phai na u Naitung.
Ha dien ka tei ka jingpyntip jong u muktiar u Bah Shullai na ka liang jong nongbishar ha Meghalaya High Court u la bthah ba kam pat da poi haduh u ta u pud ban hap ban bthah ia u heh pulit jong ka East Khasi Hills ba yn wanrah ia u Bah S Kharsyiemlieh hapoh ka iing bishar, hynrei u dei ban poi sha ka iing bishar ha ka sngi ban tian bishar biang ia kane ka mukotduma.
La bthah ba ia kane ka hukum jong ka iing bishar dei ban phah da u nongrah khubor u ba kyrpang ban pyntip ia kane ka rai sha u tei u nongbishar jong ka District Court.(SP News)
