Shillong, Jylliew 18: Ka Meghalaya Football Federation (MFA) ha ka jingialang kaba la long dang shen ka la jied ia u Bah Larsing Ming Sawyan ,u trai jong ka club Shillong Lajong, kum u president ba thymmai aka bynta ki saw snem kiban sa wan.
Ka jingjied ia u Bah Ming ka long kaba beit khlem da don kano kano ka jingiakhun pyrshah ia kane ka kam, bad ka shah ruh ia u ba lada u dang kwah ban iakhun ia kane ka election ha ki snem kiba sa wan ynda la kut kapor ruh ka seng ka shah.
Ki wei ki dkhot jong ka seng ki kynthup ia u Bah B Diengdoh, bah SS Langi, bah Diverland Lyngdoh bad u Gino Sangma u la shah jied kum u vice president u Bah SS Rapthap u la shah jied kum u secretary general katba u bah Banteidor Lyngdoh ula shah thung kum u treasurer. Na lor jong kine la jied ruh san ngut ki executive members.
Ia u president ba rim jong ka MFA u bah DP Wahlang la thung ia u kum u nongai buit bad kum u nongshah khot kyrpang ha ki jingialang ba kongsan jong ka MFA.(SP News)
