Shillong, Nohprah 16: Ka kali jong ka ophis jong ka tand Directorate of Information and Public Relation (DIPR) jong ka sorkar Meghalaya ka la shah ther maw ha ki riew sinew kiba ym lah ban ithuh ha ka sngi kut jong ka jinglehkmen tamasa ha Williamnagar.
Katkum ki lad khubor kiba la ioh da U SP News Agency ki iathuh ba kane ka jingjia ka la dei ha ka por jan miet haka kaba ki briew kiba ym lah ban ithuh kila kawang maw ia ka kali jong katei ka ophis katba ka dang iaid ban peit ba ka jingleh kmen kan iaid beit.
Ban lait na ka jingthad rong ia kane ka jingleh kmen na ka liang jong ka ophis ka la ialeh katba lah ban buh rieh iakane ka jingjia ha katei ka sngi kut jong ka jingleh kmen ha Williamnagar.(SP News)
