Shillong, Nailur 01: Mynta ka sngi ha ka por kumba 7.45 baje mynmiet ka la don ka jingshah kawang petrol bom ka ktem jong ki CrPF kaba don ha jingkieng Mawlai. Ha kane kajingjia ki pulit CrPF ki la bat ia saw ngut ki briew ban kylli tohkit.
Ha kane ka jingshah kawang petrol bom kam shym don kano kano ka jingjia ba sngewsih ban don ba mynsaw ne kano kano ka jingduh ha ki jingdon jingem. Kane ka jingjia ka long shuwa ba ka pakhang shnong ba la khot da ki seng bhalang.
Na ka liang jong ki pulit ki la ong ba kum kane ka jingleh jong ki riew dakaid ka long kaba ym pat juh jia koit ba wat ha ka sngi u blei ruh ki la leh ia kane ka kam runar.
Na ka liang jong ki bor ba dei peit ia ka District administration ki la pynjur bha ia ka jingpahara ban peit ba kan nym don kano kano ka jingjia ba sngewsih ha ki kynta pakhang shnong ba la pynlong da ki seng bhalang.(SP News)
