Shillong, Nailur 17: Mynta ka sngi ha ka por kumba 9.30 baje myn
step ki briew kiba ym lah ban tip ki la kawang da u petrol bomb ia ki ar tylli ki dukan die jain ha Iewduh ha kane ka jingjia u wei na kiba don ha dukan u la mynsaw.
Ha kane ka por ba shah kawang petrol bomb ka dei ka por ba ki dukan ki dang sdang ban plie . Kine ki dukan kiba la shah kawang petrol bomb, kawei ka dei ka dukan jong u Susil Rai bad kawei ka dei kajong u Denished pal, hynrei ha kane kapor ha dukan u don u para jong u Bapan Pal.
U bala mynsaw ha kane ka jingjia u dei u Susil Rai, ha kaba ka kjat jong u baroh ar tylli ki la mynsaw na ka jingkem jong ka dieng. Une u ba mynsaw la pynkit sha Hospital na ka bynta ban sumar.
Ha dien kane ka jingjia bun na ki dukan hapoh iewduh ki la khang khyrdep na ka daw jong ka jingtieng. Hynrei na ka liang jong ki pulit kiba la phikir bha ki la lah ban pynjai jai ia kane ka jingjia ha kaba ki paidbah ki la ioh biang ia ka jingshong shyngian.(SP News)
