Shillong, Nailur 26: Mynta ka sngi ha ka por kumba 7.45 baje mynstep ki briew kiba ym lah bantip ki la kawang petrol bomb ia ka dukan die jain ha
Khyndailad ha kaba u wei u briew u ba la tip kyrteng kum u Boby Chokhani u la mynsaw.
Kane ka dukan jian kaba heh kaba la shah kawang petrol bomb ka dei kaba la tip M/s Satya Narayan Jiwan Ram ha kaba u Depak Chokhani u dei u trai jong kane ka dukan.
U trai jong kane ka dukan haba kren ha ki nongthoh khubor u la ong ba ki juh plie ia ka jingkhang kumba ki juh leh man ka sngi bad mynta ka sngi shi kynthun ki briew kila wan bad ki la kawang da u petrol bomb hapoh dukan bad ka dukan ka la kem ding namar ka dei ka dukan jain.
Ka dukan jong u bakha jong u ruh ka M/s JB Textile kaba la long trai da u V D Chokhani kaba ia donlang marsyndah ka la kem dinglang bad kane ka dukan ruh ka la julor.
Na ka liang jong ki pulit pynlitp dieng mar ia ioh ia kane ka jingtip ki la beh bran bran sha kane ka jaka bad ki la shipor tang shi kynta ban pynlip ia kane ka ding kaba la klang ha kine ki dukan. Haba ia dei bad ka jingjulor na ka liang jong ki pulit ki dang hap ban khein.(SP News)
